Ngepek Seket Male-male

Tetibo raso nok nnulih pos nih dale slang kelate, keh rindu tibo-tibo ko kelate. Rasonyo rama tok pehe kot gapo hok aku tulih, bia ah, skali skalo, nnulih dale bahaso gini buwak hile seket raso rindu.

Kalu lah buleh, rasonyo nok kelik muta smula jadi kecik, pahtu nok bbetul sgalo mugo hok saloh. Raso nok bekki balik gapo-gapo hok tok betul, pahtu jadi ore hok koho molek, berani seket dari loni. Buke gapo, loni raso diri ni koho lamo koho raso koho pelik, koho nnakut, tok berani lasung nok wak gapo-gapo. Nok wak gapo-gapo keno wak nge ore, padahal buleh jah kot buwak sdiri. Sokmo doh mitok supayo diri ni jadi koho yakin seket, tapi gak duk taro tuh jah. Tera tera tok jjadi jugok, tok tahulah nok wak gano lagi.

Ore royak sene jah, keno panda saingg lah. Masalohnyo, nok saingg tu hok susohnyo. Tok sumo ore pandai buat saingg. Aku tok supo nge ore lain, minat lain-lain, cari sano sini doh tak dok sore pun hok supo nge aku, gano tok wi muta palo otok nih. Kalu dulu ado la jugok saing hok samo palo, sini buke main susoh nok cari. Bukenyo aku tak dok saing, ado jah, cumo masaloh akunyo, aku tok suko jadi ore hok saing gitu gitu jah, nok saing hok mace bespren seket. Letih doh raso saing atas dasar jah, tapi tak dok sekor habuk hok amek bendo ni serius. Kalu serius pung aku sero tak dok sore pun hok layok kot. Ishh aku meme mmilih, maap bbanyok la deh.

Sene royak, tok cekak doh belakon depe budok-budok nih. Buleh jah nok buat-buat, tapi koho lamo koho bengo palo otok ni. Meta raso nok idup sekor, meta raso tok leh dok seko, ishh aku tok tau lah gapo hok tok keno nge aku nih. Aku sero, aku ni loni raso mace diri ni takdok saing, raso sunyi bedooh dale hati ni. Walapun ore royak aku napok koho hepi seket tahun ni, tapi aku sero dok sangat lamo-lamo. Bilo mikir-mikir mmula aku sero mace meme aku napok galok, tapi dale hati tu sero sunyi sangat. Aku tok tahu keh gapo, samo ado aku ni meme mmilih sangat, ataupun aku ni meme mmalah nok beruboh jadi koho sainng seket.

Rasonyo keno jadi galok bokali, keno berani wak gotu goni, tak yoh dok geletah mmikir pasal gapo ore royak, keno jadi hati kering. Tapi tu masalahnyo, aku tok leh jadi gitu, raso muta palo otok. Ore royak aku baik sangat, sokmo mikir pasal ore lain sapa tok mikir doh pasal diri kito tuh. Ishh aku tok tahu lah, narakk nih mugo nih, keno cari ubak nih cepak-cepak.

Tapi aku tok tahu gapo ubak dio.

Weh F nge Z nge M nge budok-budok lain, ke bagus kalu aku stay nge sek mung jah sapa bilo-bilo.

Haihh

ps - sene royak aku sero aku ssekor jah sini